O Diario Oficial de Galicia (DOG) publicou o programa Bono Enerxía Peme para que pemes e autónomos poidan mellorar o aforro e a eficiencia enerxética dos seus negocios.
O bono cobre o 80% do custo da actuación ata un máximo de 6000 euros por solicitude. Serán subvencionables elementos de control solar, renovación de equipamentos de iluminación interior e/ou exterior, mellora da eficiencia enerxética en instalacións eléctricas, renovación do equipamento consumidor de enerxía e equipamentos que permitan reducir o consumo de enerxía das instalacións de climatización, ventilación e auga quente sanitaria.
O prazo de presentación de solicitudes comeza ao día seguinte ao da publicación desta resolución no Diario Oficial de Galicia (5 de abril do 2022) e rematará o 14 de xullo de 2022.
Toda a información na RESOLUCIÓN do 1 de abril de 2022 pola que se establecen as bases reguladoras e se anuncia a convocatoria do procedemento de concesión de subvencións para proxectos de mellora enerxética, dirixido a autónomos e pemes con actividade de comercio, hostalaría, artístico-recreativas e outros servizos (programa Bono enerxía peme), anualidade 2022 (código de procedemento IN417Z).